4 aprel görkəmli sənətkar, Xalq artisti Muxtar Maniyevin doğum günüdür.
Bu gün onun anadan olmasının 90-cı ildönümü tamam olur.
Muxtar Maniyev 1935-ci il aprelin 4-də Bakıda doğulub. İlk təhsilini də şəhərin 199 nömrəli məktəbində alıb. Neft-Kimya İnstitutunda mühəndis ixtisası alıb. Ancaq sonradan aktyorluq sənəti onu özünə çəkib. Mühəndis diplomu aldıqdan sonra o, sənədlərini Azərbaycan Dövlət İncəsənət İnstitutuna təqdim edərək, ikinci təhsil alıb.
Muxtar Maniyev aktyor kimi ilk dəfə "Onu bağışlamaq olarmı?" filmində çəkilib. Ardınca "Koroğlu" filmində rol alıb. Sonralar "İnsan məskən salır", "O qızı tapın", "Bizim Cəbiş müəllim" filmlərində uğurlu qəhrəmanları ekranda canlandırmaqla özünü təsdiq edib.
Muxtar Maniyev "Bakıda küləklər əsir", "Sizi dünyalar qədər sevirdim" və digər filmlərdə müharibə dövrünün müxtəlif xarakterli insanlarının çox maraqlı obrazlarını yarada bilib.
Xalq artisti 2016-cı il dekabrın 22-də vəfat edib.
