Bakının Nərimanov rayonunda genişmiqyaslı təmir-bərpa işləri aparılır. Bu haqda 16 avqust tarixində Rayon İcra Hakimiyyətinin mətbuat xidməti məlumat verib.
Hazırda Ə.Rəcəbli küçəsi və F.X.Xoyski prospektinin kəsişməsində yerləşən binaların həyətində abadlıq-quruculuq işləri aparılır. Binaların qapı və pəncərələri, fasadları yenilənib, girişlərdə əsaslı təmir işləri həyata keçirilib. Həmçinin binaların yağış sularını axıdan boru və navalçalarının dəyişdirilməsi, zirzəmidə yerləşən ümumi kanalizasiya sistemində əsaslı təmir işlərinin aparılması nəzərdə tutulub.
Məhəllələrdə isə oyun və idman meydançaları, söhbətgahlar, oturacaqlar və işıqlandırma sistemi quraşdırılacaq.
[caption id="attachment_59182" align="alignnone" width="800"]
Foto Nərimanov Rayon İcra Hakimiyyətinin rəsmi saytı[/caption]
