Paytaxtın Nəsimi rayonu, Abbas Səhhət küçəsində yeni binanın inşası səbəbindən digər evlərə ziyan dəyir. Bu haqda bu gün, 17 avqust tarixində Bakuplus.az Xəzər Xəbər-ə istinadən məlumat verir.
Yaşayış olan binanın 2 m aralığında yeni tikili inşa olunur. Bu səbəbdən binalarda çatlar əmələ gəlib, tavan və döşəmələr aralanıb. Ərazidə yaşayan ailələr köçürülsə də, bəziləri onlara təklif edilən şərtlərlə razı olmayıblar. Bu səbəbdən də bu cür hal yaranıb.
Tikintini aparan “Anima” şirkətindən bildirilib ki, sakinlər 2 ildən artıqdır onların təkliflərini qəbul etmirlər. Onlar əmlakın dəyərindən 12 dəfə artıq kompensasiya istəyirlər.
Məsələ ilə bağlı son qərar məhkəmədə veriləcək.
[caption id="attachment_59387" align="alignnone" width="800"]
Foto Xəzər Xəbərin rəsmi Youtube kanalı[/caption]
