Azərbaycanda saxta kriptovalyuta satan cinayətkar dəstə üzvləri: Gülarə Abdullayeva, Xəyal Yaxyayev və Yeganə Məmmədovanın cinayət işi məhkəməyə göndərilib. Bu haqda bu gün, 13 dekabr tarixində APA məlumat verib.
Cinayət işinə Bakı Ağır Cinayətlər Məhkəməsinin hakimi Azad Məcidov tərəfindən baxılacaq. Cinayət işi üzrə 200-dən çox zərərçəkən var.
Dələduzlar ölkə daxilində “İnsuccess” adlı qeyri-müəyyən olan şirkət yaradıblar. Daha sonra onlar “OCOS” beynəlxalq dələduzluq piramidasını ölkəyə gətirərək yaratdıqları şirkət vasitəsilə sosial şəbəkələrdə piar aparıb, satışa mövcud olmayan kriptovalyutanı buraxıblar. Onların 10 minə yaxın vətəndaşı aldatdıqları və külli miqdarda vasitələrin ələ keçirmələri müəyyən olunub.
Dəstə üzvləri barəsində Cinayət Məcəlləsinin “Dələduzluq, külli miqdarda ziyan vurmaqla törədildikdə” maddəsi ilə cinayət işi başlanılıb.
