Bu gün Bakıda Vətən müharibəsi şəhidi kapitan Pərviz Məmmədovun anım günü keçirilib. Bu haqda 9 avqust tarixində Qaradağ RİH məlumat verib.
Mərasimdə iştirak edən İcra Hakimiyyətinin başçısı, nümayəndələri, şəhidin ailə üzvləri və dostları qəhrəmanın məzarını ziyarət ediblər. Daha sonra Qaradağ Rayon İcra Hakimiyyətinin dəstəyi ilə düzəldilmiş şəhid bulağının açılışı olub. Tədbir iştirakçıları bulağın qarşısına əklil və gül dəstələri qoyublar.
Pərviz Məmmədov Vətən müharibəsi başlayan kimi cəbhəyə yollanmışdır. Füzuli rayonunun azadlığı uğrunda gedən döyüşlərdə sentyabrın 30-da qəhrəmancasına şəhid olub. Qaradağ rayonu, Lökbatan qəsəbəsində yerləşən Şəhidlər xiyabanında dəfn olunub.
Müharibədə göstərdiyi rəşadətə, igidliyə görə Prezident İlham Əliyevin imzaladığı sərəncama əsasən “Vətən uğrunda” medalı ilə təltif olunub.
