Bakı şəhəri, Xətai rayonu, Heydər Əliyev parkında 21-23 iyun tarixlərində “Göydən üç alma düşdü” adlı nağıl günləri təşkil ediləcək. Bu haqda bu gün, 15 iyun tarixində Bakuplus.az məlumat verir.
Nağıl günləri Ailə, Qadın və Uşaq Problemləri üzrə Dövlət Komitəsinin təşkilatçılığı və Türkiyə Respublikasından dəvət olunmuş nağılçıların iştirakı ilə təşkil olunacaq.
Tədbirin əsas məqsədi uşaqları Azərbaycan və türk xalqlarının mədəniyyəti, adət-ənənələri, folkloru, nağılları ilə tanış etmək, onlarda mütaliə vərdişlərini inkişaf etdirmək, asudə vaxtlarını səmərəli təşkil etmək, mütaliə mədəniyyətini kütləvi şəkildə təbliğ etməkdir.
Tədbirə giriş sərbəstdir.
