Xırdalanda iki qız adapter üstündə dalaşıb.
Bakuplus.az-ın əldə etdiyi məlumata görə, hadisənin istintaqı Abşeron Rayon Məhkəməsində keçirilib.
Belə ki, Vəfa Əliyeva (ad şərtidir) 1979-cu ildə Ağdaş rayonunda anadan olub. Dostu Əli Səfərova (ad şərtidir) olan borcunu ödəmək üçün onun evinə gedib. Birlikdə söhbət edən zaman qonşu Aynurə Quliyeva (ad şərtidir) Əlinin evinə gəlib. Bu zaman Aynurə ilə Vəfa arasında mübahisə yaranıb. Vəfa qızı döyərək xəsarət yetirib.
Nəticədə Vəfa Əliyeva Azərbaycan Respublikası CM-nin 128-ci (sağlamlığa xəsarət yetirmə) maddəsi ilə təqsirləndirilib.
Təqsirləndirilən Vəfa Əliyeva ittiham üzrə özünü qismən təqsirli bilərək, ifadəsində göstərib:
“Əliyə olan borcumu vermək üçün onun evinə getdim. Söhbət etdiyimiz zaman evə Aynurə adlı qız gəldi. Əli onu evə dəvət etdi. Mobil telefon adapteri istəyən zaman ona kobud cavab verməsinə görə Aynurə ilə Əli arasında mübahisə yarandı. Bu zaman Əlidən həmin qızın kim olduğunu soruşdum. Aynurə mənə aqressiv cavab verdiyi üçün aramızda mübahisə yarandı və bir-birimizin saçından tutaraq dartdıq. Mübahisə zamanı Aynurə də məni vurub və itələyərək xəsarətlər yetirib.
Sonra Əli bizi ayırdı və hərə öz evinə çıxıb getdi. Bir müddət keçmişdi ki, Aynurə mənim onu döyməyimlə bağlı Abşeron rayon Polis İdarəsinə şikayət etdi. Onun dediyi bütün sözlər yalandır. Mübahisə zamanı ikimiz də bir-birimizin sadəcə saçından tutmuşuq. Aynurənin barmağının sınma ehtimalı yox idi. Onun tək məqsədi ziyanı ödəmək üçün məndən 4-5 min manat almasıdır”.
Məhkəmə iclasında iştirak edən zərərçəkmiş Aynurə Quliyeva istintaq zamanı verdiyi ifadəsini təsdiq edərək bildirib ki, barəsində şikayət etdiyi Vəfanı qonşuluqda yaşayan Əlinin vasitəsilə tanıyıb:
“Təxminən 4-5 ay əvvəl Vəfa Əlinin telefonundan nömrəmi götürüb mənə zəng etdi. Əli ilə aramızda hansı münasibətin olduğunu soruşduqda, yalnızca qonşuluq ünsiyyətimizin olduğunu dedim. Hadisə günü blokda Əlini görüb ondan mobil telefon üçün adapterinin olub-olmamasını soruşduqda qərəzli cavab verdi. Axşam onun evinə gələndə Aynurə məni evin içərisinə çəkib, döyməyə başladı. Sonra baş vermiş hadisə ilə bağlı polisə ərizə yazdım.
Aynurənin məni döyməsinə görə bir müddət işsiz qaldım, ailəmin ehtiyaclarını ödəyə bilmədim. Maddi və mənəvi ziyanın ödənilməsi üçün 5000 manat məbləğində pul lazımdır. Yalnız bu pulu verdikdən sonra barışıq əldə oluna bilər”.
Beləliklə, məhkəmə tədqiq edilmiş sübutlara məcmu halda hüquqi qiymət verərək Vəfa Əliyevanı təqsirli bilib. Məhkəmənin qərarı ilə Vəfa Əliyeva 6 ay müddətinə azadlıqdan məhrum edilib.
Fidan İlqar
