Bakı şəhərinin Binəqədi və Nəsimi rayonları ərazisindən qanunsuz torpaq daşındığı müəyyən edilib. Bu haqda bu gün, 20 iyul tarixində Bakuplus.az Dövlət Ekoloji Təhlükəsizlik Xidmətinə istinadən məlumat verir.
Yoxlama zamanı Binəqədi rayonu, Xocəsən qəsəbəsi ərazisindən "KamAZ" markalı 99-LN-166 dövlət nömrə nişanlı, Nəsimi rayonu, “20 Yanvar” metrosunun yaxınlığından isə "KamAZ" markalı 90-CJ-533 dövlət nömrə nişanlı nəqliyyat vasitələri ilə torpaq daşındığı məlum olub.
Faktlarla bağlı aktlar tərtib olunub. Sürücüləri müəyyənləşdirmək üçün Baş Dövlət Yol Polisi İdarəsinə müraciət olunub. Qanun pozuculularını inzibati məsuliyyətə cəlb etmək üçün tədbirlər görülür.
