Nəsimi və Binəqədi rayonlarında qaz yoxdur. Bu haqda bu gün, 26 iyul tarixində Bakuplus.az “Azəriqaz”a istinadən xəbər verir.
Nəsimi rayonunda S.Rüstəm, H.Ələsgərov, X.Şuşinski və Q.Quliyev küçələrinin kəsişməsindən keçən qaz xəttinin yerinin dəyişdirilməsi səbəbindən həmin küçələrdə 1000 abonentin qazı olmayacaq.
Binəqədi rayonunda F.Rüstəmov küçəsində qaz xətlərinin yerinin dəyişdirilməsi, eləcə də R.Behbudov və C.Xəndan küçələrində 2 ədəd qaz tənzimləyicinin hündürlüyə qaldırılması və Koroğlu küçəsində istismara yararsız qaz tənzimləyicinin yenisi ilə əvəz olunması səbəbindən rayon ərazisində 1500 istehlakçıya qazın verilişi dayandırılıb.
Məhdudiyyət bu gün gün ərzində davam edəcək.
