Sosial şəbəkələrdə Bakının Bilgəh qəsəbəsi ərazisində yerləşən çimərlikdə kanalizasiya sularının dənizə axması ilə bağlı daha bir məlumat yayılıb. Bu haqda bu gün, 19 avqust tarixində Caliber.az məlumat verib.
Yayılmış videogörüntülərdə kanalizasiya sularının qum təpələri arasından keçən böyük bir boru ilə birbaşa dənizə axması göstərilir.
Ekologiya və Təbii Sərvətlər Nazirliyinin mətbuat xidmətindən verilən məlumata görə, Bilgəh çimərliyindən götürülmüş dəniz suyu nümunələrinin təhlili nəticəsində onun tərkibində bitişik ərazidə əmələ gələn məişət nəcisli çirkab sularının olduğu müəyyən edilib.
Həmçinin drenaj kollektorunun bəzi hissələrində borunun bütövlüyünün qanunsuz pozulmasına görə çirkab suları təmizlənmədən dənizə tökülür.
