Binəqədi rayonunun Binəqədi qəsəbəsində, DSK yolunun kənarında olan 20-yə yaxın ailə çirkab sular problemi ilə üz-üzə qalıb. Bu haqda bu gün, 4 mart tarixində Bakuplus.az ATV-yə istinaddən məlumat verir.
Sakinlər deyirlər ki, evlərin yaxınlığından böyük borulu kanalizasiya xətti keçir. Həmin kanalizasiya xətti dolub daşanda isə çirkab sular birbaşa onların həyətinə dolur.
“Azərsu” ASC-nin mətbuat katibi Anar Cəbrayıllı dedi ki, sakinlərin haqqında danışdığı boru onların balansında deyil: “Azərsu” ASC tərəfindən həmin ərazidə heç bir xidmət göstərilmir. Ətraf ərazidə yaşayan fərdi yaşayış evlərinin sahibləri, eləcə də müəssisələrin sahibləri xətlər çəkərək həmin açıq kanala yönəldiblər və bu da müəyyən vaxtlarda açıq kanalda problemlərin yaranmasına səbəb olur”.
Anar Cəbrayıllı, həmçinin bildirdi ki, həmin kanalın onların balansında olmamasına baxmayaraq, Binəqədi Sukanal İdarəsinə müraciət göndəriləcək. Ərazidə yaxın günlərdə təmizləmə işləri aparılacaq.
[caption id="attachment_92918" align="alignnone" width="640"]
Foto ATV-nin rəsmi Youtube kanalı[/caption]
