Paytaxtın Binəqədi rayonunda içməli su borusu partlayıb. Bu barədə BakuPlus.az Xezerxeber.az-a istinadən bu gün, 1 iyul tarixində xəbər verir.
Rəsulzadə qəsəbəsinin Zahid Qəmbərov, 2 ünvanında yerləşən yaşayış binasının sakinləri içməli su borusundakı sızmadan narahatdırlar.
Hazırkı vəziyyət xüsusilə birinci mərtəbədə yaşayan ailələrə çətinlik yaradıb.
“Borudan sızan su binanın altına axır və ətrafa qoxu yayır”, - deyə sakinlər qeyd ediblər.
Boruda sızmanın olması həm də ətrafda yaşayan digər sakinlərin evlərinə gedən suyun təzyiqini azaldıb.
Məsələ ilə bağlı “Azərsu” ASC-dən bildirilib ki, sözügedən su xətti istismar müddətini başa vurub:
“Yaxın zamanda su borusunun yararsız olan hissəsi kəsilərək yenisi ilə əvəz olunacaq”.
