Bakının Binəqədi rayonu, Svetlana Məmmədova küçəsi, ev 205B ünvanında yerləşən “Rahat” marketində planlı yoxlama zamanı nöqsanlar aşkar olunub. Bu haqda bu gün, 21 iyul tarixində Bakuplus.az Azərbaycan Respublikasının Qida Təhlükəsizliyi Agentliyinə (AQTA) istinadən məlumat verir.
Yoxlama zamanı sanitariya norma və qaydalarının bir sıra tələblərinin pozulması faktları müəyyən edilib. Marketdə satışı həyata keçirilən bəzi məhsulların etiketlənməsinin dəqiq həyata keçirilmədiyi və çirklənmədən mühafizə olunmadığı, yararlılıq müddəti bitmiş malların olduğu və bir sıra digər nöqsanlar aşkarlanıb.
Yoxlama nətciələri ilə əlaqədar protokol tərtib olunub, bəzi məhsulların satışı qadağan edilib və ticarət obyektinin anbarının fəaliyyəti məhdudlaşdırılıb.
