İş qadını Ruhi Əliyeva heyvanların baxımı ilə məşğul olan "The Grooming Station" salonundan şikayət edib.
Bakuplus.az xəbər verir ki, o, burada çalışan şəxslərin pişiyinə qarşı pis rəftar etdiklərini və hətta xəsarət yetirdiklərini bildirib. Ruhi Əliyeva bununla bağlı görüntüləri şəxsi “Instagram” hesabında paylaşıb.
"Pişiyimə xəsarət yetiriblər. Videodan da göründüyü kimi kobud davranırlar, ona əziyyət verirlər. Əgər pişik narahatdırsa, feni söndürüb onu sakitləşdirmək lazım idi. Əksinə, üzünə tutub, kobud rəftar etmək yox. Ən pisi də odur ki, adamlar özlərinə haqq qazandırır. Günahlarını görmürlər. Simbanın burnu zədələnib və çox narahatdır. Paylaşmaqda məqsədim həm də odur ki, siz də agah olasınız. Heyvanınızı hər yerə etibar etməyəsiniz. Burnunun görüntüsü videonun sonundadır", - deyə o bildirib.
Sözügedən görüntüləri təqdim edirik:
