Paytaxtın Sabunçu rayonu, Zabrat qəsəbəsi, Xavər Əliyev küçəsində yaşayan sakinlər evlərinin yaxınlığındakı yolun keçilməz olduğunu iddia edirlər. Bu haqda 12 sentyabr tarixində APA TV reportaj yayıb
Sözügedən yol həm piyada, həm də avtomobillər üçün də yararsız hala düşüb. Burada bir neçə il əvvəl magistlal yoldan keçən su kəmərində partlayış olub. Borunun təmiri zamanı qazılan torpaq yolun ortasına tökülüb və nəticədə torpaqdan təpə yaranıb. Eyni zamanda yığılan suyun qoxusundan buradan keçmək mümkün deyil.
Sakinlər bildirirlər ki, ərazidəki bütün evlərin altına yay-qış qrunt suları dolur. Həmçinin onlar adıçəkilən küçədə kanalizasiya xətlərinin olmamasını da əlavə ediblər.
Bundan başqa, uzun müddətdir ki, sakinlərin evlərinə içməli suyun verilişi dayandırılıb.
“Azərsu” ASC-nin mətbuat katibi Anar Cəbrayıllı bildirib ki, bu ərazidə su kəmərində qəza baş verib. İşçilər qəzanı aradan qaldırıblar və yalnız bir neçə sakin köhnə şəbəkədən su alır. Onlar da yeni şəbəkəyə köçürüləcəklər. Və axıntısı olan bu xətt tamamilə ləğv ediləcək.
[caption id="attachment_69713" align="alignnone" width="640"]
Foto Apa Tv-nin rəsmi Youtube kanalı[/caption]
