Paytaxtın Xəzər rayonunda yolların və küçələrin asfalt örtüyünün dəyişilməsi üzrə işlər davam etdirilir. Bu haqda Bakuplus.az Azərbaycan Avtomobil Yolları Dövlət Agentliyinin mətbuat xidmətinə istinadən bu gün, 14 sentyabr tarixində məlumat verir.
Hazırda Buzovna qəsəbəsində Abşeron küçəsi, döngə 21 ünvanında təmir işləri aparılır. Yolun təmir olunan hissəsinin uzunluğu 1500 metr, eni isə ortalama 6 metr təşkil edir.
Təşkil olunan işlər çərçivəsində köhnə asfalt örtüyü qaşınıb, yararsız qrunt qazılaraq çıxarılıb, əks-dolğu işləri icra olunub.
