“Avroviziya-2025” beynəlxalq mahnı müsabiqəsində Azərbaycanı təmsil edəcək “Mamagama” qrupuna “Neftçi” forması hədiyyə olunub.
Bu barədə Bakuplus.az-a “Neftçi” futbol klubundan məlumat verilib.
Qeyd edək ki, “Avroviziya-2025” beynəlxalq mahnı müsabiqəsində Azərbaycanı təmsil edəcək “Mamagama” qrupunun solisti Asəf Mişiyev Bakuplus.az-a açıqlamasında uşaqlıqdan “Neftçi” azarkeşi olduğunu demişdi.
Bildirmişdi ki, “Neftçi”nin retro formasını tapmaq üçün dostlarından xahiş edib: “Əgər tapmaq alınmasa, özüm tikdirməyi düşünürəm. Bu yaxınlarda Amsterdamda çıxışımız olacaq. İstəyirəm ki, oradakı gəzintilərdə “Neftçi”nin formasında olum”. Məhz bu açıqlamadan sonra qrupa klubun forması hədiyyə edilib.
