23 noyabr tarixində Bakının Binəqədi rayonunda idman könüllüləri arasında Vətən müharibəsi şəhidlərinin xatirəsinə həsr edilmiş “Mini FutboI” turniri keçirilib. Bu haqda bu gün, 24 noyabrda Binəqədi rayon İcra Hakimiyyətinin mətbuat xidməti rəsmi Facebook səhifəsində məlumat yayıb.
Yarışın nəticəsinə əsasən I yeri “ZƏFƏR” komandası, II yeri “MÜBARİZ” komandası, III yeri isə “POLAD” komandası tutub.
Qaliblərin mükafatlandırılması mərasimində Binəqədi rayon Gənclər və İdman İdarəsinin rəisi Namiq Tarverdiyev, Bakı Şəhər Gənclər və İdman Baş İdarəsinin Kütləvi Bədən Tərbiyəsi Sektorunun baş məsləhətçisi Cəlil Əlizadə, Azərbaycan İdman Könüllüləri İctimai Birliyinin təşkilatı işlər üzrə meneceri Adilə Səfərova iştirak edib.
Daha öncə, 3 noyabr tarixində Bakıda "8 noyabr - Zəfər Günü"nə həsr olunmuş məktəblər arasında mini futbol turniri keçirilmişdir.
