Türkiyə yığmasının Bakı əsilli atleti Ramil Quliyev Konya şəhərində keçirilən V İslam Həmrəyliyi Oyunlarının 4X100 metr məsafəyə estafet qaçışında fərqlənib. Bu haqda bu gün, 13 avqust tarixində Bakuplus.az məlumat verir.
Quliyevin komandası estafeti 38,74 saniyəyə qaçaraq İslamiadada yeni rekord müəyyənləşdirib.
Daha öncə, Ramil Quliyev 200 metr məsafəyə qaçışda 20,24 saniyə nəticə ilə gümüş medal qazanıb.
Ramil Quliyev 1990-cı ildə Bakıda anadan olub. 2007-2011-ci illərdə Azərbaycan yığmasının, 2011-ci ildən isə Türkiyə yığmasının üzvüdür. Quliyev 2017-ci ildə Londonda keçirilən dünya çempionatında 200 metr məsafədə qızıl medal qazanaraq Dünya çempionu olan birinci Türkiyə idmançısı kimi tarixə düşüb.
