FHN-in karate komandasının idmançıları yüksək nəticələr əldə ediblər. Bu haqda 9 avqust tarixində Fövqəladə Hallar Nazirliyi məlumat verib.
Paytaxtda Milli Olimpiya Komitəsinin yaranmasının 30 illiyinə həsr olunmuş uşaqlar, yeniyetmələr və gənclər arasında Full-kontakt karate üzrə Bakı açıq turniri keçirilib.
Turnirdə ölkənin müxtəlif bölgələrinin ümumilikdə 38 klubundan 400-ə yaxın idmançı iştirak edib. Yarışlara qoşulan FHN-in karate komandası 15 qızıl, 7 gümüş və 14 bürünc medal qazanıb.
Sonda qaliblərə diplom, medal və qiymətli hədiyyələr təqdim edilib.
[caption id="attachment_57223" align="alignnone" width="300"]
Foto Fövqəladə Hallar Nazirliyinin rəsmi saytı[/caption]
