Bakıda yarım milyondan çox pul mənimsəyən həkim həbsxanada vəfat edib. Bu haqda bu gün, 29 mart tarixində Bakuplus.az Lent.az-a istinadən xəbər verir.
Penitensiar Xidmətin paytaxtda yerləşən Cəzaçəkmə Müəssisəsində cəza çəkən Rəsul Baxşəliyev dünyasını dəyişib. Onun xəstəlikdən öldüyü bildirilir.
R.Baxşəliyev 30 il müddətində 23 nömrəli şəhər xəstəxanasında baş həkim vəzifəsində çalışırdı. O, bir müddət öncə korrupsiyaya görə həbs olunmuşdu.
500.000 manatdan çox pul mənimsəməkdə ittiham olunan baş həkim 8 il müddətinə azadlıqdan məhrum edilmişdi.
