“Şamaxinka” körpüsündən qopan daş avtomobilin üzərinə düşüb. Bu haqda bu gün, 17 yanvar tarixində Bakuplus.az İTV-yə istinadən xəbər verir.
“Toyota Prius” markalı avtomobil mərkəz istiqamətində tuneldən çıxan zaman körpünün üzlük daşı qoparaq maşının damına düşüb. Sürücü Asiman Nuriyevin sözlərinə görə, “Prius”un arxa şüşəsi tamamilə sınıb, damı əzilib. Həmçinin Nuriyev onun çiyninə də daş düşdüyünü qeyd edib.
“Qapını açdım ki, düşüm baxım nə oldu, bir dənə də daş çiynimə düşdü”, – deyə zərərçəkən əlavə edib.
Məsələ ilə bağlı Azərbaycan Avtomobil Yolları Dövlət Agentliyinin əməkdaşı Anar Nəcəfli bildirib ki, qurumun işçiləri əraziyə cəlb olunaraq təhlükəsizlik tədbirləri görülüb, nöqsanlar aradan qaldırılıb.
