Bakıda narkotik təsiri altında avtomobil sürən şəxs tutulub. Bu haqda bu gün, 15 may tarixində Bakuplus.az Daxili İşlər Nazirliyinə istinadən xəbər verir.
99-LY-942 nömrəli “Toyota” markalı avtomobilin sürücüsü Bağış Quliyev nəqliyyat vasitəsinin dövlət qeydiyyat nişanına müdaxilə etdiyinə görə saxlanılıb. Onun hərəkətləri şübhə doğurduğundan sürücü tibbi müayinədən keçib. Araşdırma nəticəsində onun narkotik vasitə təsiri altında olduğu məlum olub.
Məhkəmənin qərarı ilə B.Quliyevin sürücülük hüququ 9 ay müddətinə məhdudlaşdırılıb və o, 20 sutka inzibati qaydada həbs edilib.
