Bakının Nizami rayonu ərazisində yerləşən avtoyuma məntəqələrinin birindən “Nissan” markalı avtomobili qaçırmaqda şübhəli bilinən şəxs tutulub. Bu haqda bu gün, 17 iyul tarixində Bakuplus.az DİN-in mətbuat xidmətinə istinadən məlumat verir.
Hadisə ilə bağlı məlumat Nizami RPİ 24-cü Polis Şöbəsinə daxil olub. Polis əməkdaşlarının keçirdikləri tədbirlər nəticəsində avtomobil qısa müddətdə Ramana qəsəbəsində aşkar olunub.
Avtomobili oğulamaqda şübhəli bilinən, əvvəllər məhkum olunmuş, həmçinin narkotiklərlə əlaqəli cinayətə görə də axtarışda olan İsmayıl Məmmədov saxlanılıb. Fakt araşdırılır.
