Bakıda daha bir yanğın hadisəsi baş verib. Bu haqda BakuPlus.az Fövqəladə Hallar Nazirliyinin mətbuat xidmətinə istinadən bu gün, 24 oktyabr tarixində xəbər verir.
Binəqədi rayonu, Azadlıq prospekti, 156 ünvanında yerləşən çoxmərtəbəli binada yanğın olub.
Hadisə yerinə Yanğından Mühafizə Xidməti və Xüsusi Riskli Xilasetmə Xidmətinin qüvvələri cəlb olunublar.
Beşmərtəbəli yaşayış binasının beşinci mərtəbəsində yerləşən vətəndaşa məxsus mənzildə baş verən və genişlənmə riskinin yüksək olduğu müəyyən edilən yanğın xüsusi təyinatlı texnikanın – avtonərdivanın tətbiqi ilə yanğınsöndürənlərin müdaxiləsi sayəsində qısa müddətdə söndürülüb.
Yanğın nəticəsində ümumi sahəsi 65 kv.m olan mənzilin mətbəxi və dəhlizinin yanar konstruksiyaları 12 kv.m sahədə yanıb.
Mənzilin qalan hissəsi və digər mənzillər yanğından mühafizə olunub.
[caption id="attachment_76179" align="alignnone" width="640"]
Foto FHN-in rəsmi saytı[/caption]
