Paytaxtın Nəsimi rayonu, Azadlıq prospekti ilə Salatın Əsgərova küçəsinin kəsişməsində yük avtomobili qəzaya düşüb. Bu haqda bu gün, 11 noyabr tarixində Bakuplus.az APA-ya istinadən xəbər verir.
Tovuz rayon sakini Racu Abdullayevin idarə etdiyi “Kia” markalı nəqliyyat vasitəsi kəsişmədə “Ford” markalı yük avtomobili ilə toqquşub. Zərbənin gücündən yük avtomobili öncə işıqfora, daha sonra binaya və “Land Rover” markalı nəqliyyat vasitəsinə çarpılıb.
Nəticədə R.Abdullayevin qolu və ayağı sınıb, yük maşınının sürücüsü isə açıq kəllə-beyin travması alıb. Onlar xəstəxanaya yerləşdiriliblər.
Hadisə yerində polis əməkdaşları cəlb olunublar. Araşdırmalar davam edir.
[caption id="attachment_78542" align="alignnone" width="640"]
Foto apa.az saytı[/caption]
