Yanvarın 15-də Bakı şəhəri, Binəqədi rayonu, A.Kunanbayev küçəsinin yaxınlığında yerləşən mebel sexində partlayış və yanğınla bağlı istintaq davam edir. Bunu bu gün, 20 yanvar tarixində Baş prokuror Kamran Əliyev jurnalistlərə açıqlamasında deyib.
“Təəssüf hissi ilə ölən şəxslərin ailələrinə dərin hüznlə başsağlığı verir, yaralılara şəfa diləyirik. Onların müalicəsi istiqamətində bizim tibb orqanları tərəfindən tədbirlər həyata keçirilir”, – deyə Əliyev əlavə edib.
Baş prokurorun sözlərinə görə, işlə bağlı müvafiq ekspertizalar təyin olunub. Əldə olunacaq nəticələrə əsasən, təqsirli şəxslər müəyyən edilərək məsuliyyətə cəlb ediləcək.
Sexdə baş vermiş partlayış və yanğın nəticəsində 9 nəfər həlak olub, 24 nəfər müxtəlif xəsarətlər alıb.
