Paytaxtın Səbail rayonu, Badamdar qəsəbəsi, Tofiq Məmmədov küçəsi, 12b ünvanında sakinlər ağacların kəsilə biləcəyindən narahatdırlar. Bu haqda bu gün, 29 sentyabr tarixində Bakuplus.az İnsanoid-ə istinadən xəbər verir.
İddiaya görə, 1 hektar ağaclıq ərazi hasarlanıb. Orada ağacların kəsilməsi, onların yerində hündürmərtəbəli binaların tikilməsi gözlənilir.
“Ağacların kəsilməsi və binaların tikilməsi bu ərazidə onsuz da çox olan sıxlığı biraz da artıracaq və hərəkətin mümkünsüzlüyünə gətirib çıxaracaq”, – deyə sakinlər bildiriblər.
