Paytaxtın Səbail rayonu, Badamdar qəsəbəsi, Tofiq Məmmədov küçəsi, 12b ünvanında yerləşən ağaclıq ərazi barədə rəsmi qurumdan açıqlama verilib. Bu haqda bu gün, 29 sentyabr tarixində Bakuplus.az APA-ya istinadən xəbər verir.
Ekologiya Nazirliyindən verilən məlumata əsasən, sözügedən 1 hektarlıq ərazidə ağacların kəsilməsi iddiası yanlışdır.
“Faktla bağlı akt tərtib olunub. Ağaclar sayılaraq qeydiyyata alınıb və qorunub saxlanılması məqsədilə ərazinin mülkiyyətçisinə təhvil verilib”, - deyə qurumun rəsmisi açıqlama verib.
Daha öncə adıçəkilən ünvanın sakinləri ağaclıq ərazinin hasarlanması və orada hündürmərtəbəli binaların tikiləcəyi barədə iddia irəli sürmüşdülər.
