Bakının Səbail rayonu, Badamdar qəsəbəsində yol qəzası baş verib. Bu haqda bu gün, 17 may tarixində Bakuplus.az APA-ya istinadən xəbər verir.
“Renault” markalı avtomobil hərəkətdə olan zaman onun təkəri qəfildən sıradan çıxıb. Nəticədə nəqliyyat vasitəsi arakəsmədə olan “Hyundai” markalı maşınla toqquşub. Sonra isə “Hyundai” eyni markalı digər maşına çarpılıb.
Qəza nəticəsində arakəsmədə olan “Hyundai”in sərnişini xəsarət alıb.
Hər 3 avtomobilə ciddi maddi ziyan dəyib. Faktla bağlı araşdırma aparılır.
