Paytaxtın Xətai rayonunda avtoqəza törədib qaçmaq istəyən sürücü saxlanılıb. Bu haqda bu gün, 3 dekabr tarixində Report Daxili İşlər Nazirliyinə istinadən məlumat yayıb.
1 dekabr axşam saatlarında Bakı şəhər sakini Ə.Xanmirzəyev idarə etdiyi “VAZ-2107” markalı avtomobillə iki ədəd nəqliyyat vasitəsini vurub hadisə yerindən qaçmaq istəmişdir.
Şübhəli şəxsin narkotik aludəçisi olduğu məlum olub. Onun üzərindən heroin aşkar olunub.
Həmçinin, onun 28 noyabr tarixində həmin rayon ərazisindəki evlərin birindən 1500 manatlıq oğurluq etməsi müəyyən edilib.
