Abşeron rayonu, Mehdiabad qəsəbəsində yaşayan yeniyetmə qız evdən qaçaraq Bakıdakı “Xəzər” TV-də yayımlanan “Təsir Dairəsi” verilişinə gəlib və sığınacaq istəyib. Bu haqda bu gün, 18 yanvar tarixində Bakuplus.az məlumat verir.
Qızın sözlərinə görə, o xalasının əri və doğma atası tərəfindən seksual zorakılığa məruz qalıb. Qız, həmçinin qeyd edib ki, o, 5-ci sinifdən, qardaşı isə 6-cı sinifdən sonra məktəbdən götürülüblər, təhsili davam etdirə bilmirlər.
Qızın valideynlərinin sözlərinə görə, uşaq tərəfindən təqdim olunan məlumat həqiqəti əks etdirmir, evdəkilərin onu əzizləmək, oxşamaq niyyətində olduqları bildirilib.
Hadisə yerinə polis əməkdaşları cəlb olunublar, uşağın təhlükəsizliyi təmin olunub və o, müvafiq sığınacağa yerləşdirilib. Hazırda məsələ ilə bağlı araşdırmalar aparılır.
