Paytaxtın Yasamal rayonunda 18 il əvvəl törədilən qətldə daha bir nəfərin əli olduğu məlum olub. Bu haqda bu gün, 12 may tarixində Bakuplus.az Baş Prokurorluğa istinadən xəbər verir.
Aparılan araşdırma zamanı cinayətkarların arasında daha bir nəfərin - Fərid Məmmədlinin olduğu müəyyən edilib. O, qatilin xalası oğludur.
Onlar əlbir olaraq zərərçəkənlərin olduqları evə daxil olub, nənə və nəvəni öldürüb və mənzildən 10.000 ABŞ dolları oğurlayıblar.
Daha öncə, 15 aprel tarixində nənə və azyaşlı nəvəsini öldürənlərin tutulduğu və cinayətin təfərrüatları barədə məlumat verilmişdir.
