Bakıda narkotik vasitə və psixotrop maddələrin qanunsuz dövriyyəsi ilə məşğul olan 4 nəfər saxlanılıb. Bu barədə 4 oktyabr tarixində xəzərxəbər.az saytı məlumat verib.
Qaradağ rayonunda polisin keçirdiyi əməliyyat nəticəsində İsmayıl Qədirov saxlanılıb. Onun üzərində 12 qram, avtomobilində isə 4 kiloqram heroin aşkar edilib.
Digər bir əməliyyat zamanı Binəqədi rayonunda narkotik vasitələrin dövriyyəsi ilə məşğul olan Sənan Tağızadə, Şamxal Abbasov və Nicat Quliyev tutulublar. Onlardan ümumilikdə 19 kiloqram 845 qram heroin və 635 qram metamfetamin aşkar edilərək götürülüb.
Polisin apardığı araşdırmadan sonra məlum olub ki, onlar, xarici ölkələrdə yaşayan, Azərbaycana qaçaqmalçılıq yolu ilə gətirən narkokuryerdən narkotik vasitələrini əldə ediblər və internetdə online yolla satışını aparıblar.
