Paytaxtın iki rayonunda bıçaqlanma hadisəsi qeydə alınıb. Bu haqda bu gün, 11 fevral tarixində Bakuplus.az APA-ya istinadən xəbər verir.
Xətai rayonu, Məhəmməd Hadi küçəsində naməlum şəxs 22 yaşlı Elnur Süleymanovu və 36 yaşlı Elçin Hümbətovu bıçaqlayıb.
E.Süleymanov döş qəfəsindən, E.Hümbətov isə döş qəfəsi və sol bud nahiyəsindən xəsarət alıblar.
Xəzər rayonu, Şüvəlan qəsəbəsi, “Şimal Dress” adlanan ərazidə isə naməlum şəxs 53 yaşlı Dəmir Babaşovu döyüb, daha sonra qarın nahiyəsindən bıçaqla xəsarət yetirib.
Hər üç nəfər xəstəxanaya yerləşdirilib. Araşdırmalar davam edir.
