Nərimanov rayonunda qətl hadisəsi törədilib. Bu haqda BakuPlus.az Qafqazinfo-ya istinadən bu gün, 12 noyabr tarixində xəbər verir.
Bu gün saat 16:30 radələrində rayon ərazisində yerləşən mənzillərin birində qadın meyitinin tapılmasına dair polis bölməsinə məlumat daxil olub.
Hadisə yerinə yollanan polis əməkdaşları orada 47 yaşlı Kifayət İsayevanın meyitini aşkarlayıblar. Onun küt alətlə vurularaq qətlə yetirildiyi müəyyən edilib.
Meyit müayinə olunması üçün ekspertizaya göndərilib. Onu qətlə yetirməkdə şübhəli bilinən şəxsin kimliyi müəyyən edilib.
Hazırda həmin şəxsin tutulması istiqamətində intensiv əməliyyat-axtarış tədbirləri davam etdirilir.
Qeyd edək ki, qadının həmin mənzildə kirayədə yaşadığı və qətlin onun qeyri-rəsmi münasibətdə olduğu şəxs tərəfindən törədildiyi bildirilir.
