Bakıda orta yaşlı kişinin əli yem üyüdən dəzgahda qalıb. Bu haqda BakuPlus.az FHN-in mətbuat xidmətinə istinadən bu gün, 19 oktyabr tarixində xəbər verir.
Paytaxtın Xəzər rayonunda 53 yaşlı bir nəfərin əli yem üyüdən dəzgahda sıxılı vəziyyətdə qalıb.
Hadisə yerinə FHN-in Xüsusi Riskli Xilasetmə Xidmətinin müvafiq xilasetmə qüvvələri çağırış üzrə cəlb olunublar.
Xilasedicilərin təcili tibbi yardım briqadasının müşayiəti ilə həyata keçirdiyi xilasetmə tədbirləri nəticəsində xüsusi alət vasitəsilə dəzgah kəsildikdən sonra vətəndaşın əli dəzgahdan çıxarılıb.
Xəsarət alan şəxs təcili tibbi yardım briqadasına təhvil verilib.
