Bakının Binəqədi rayonu, 9-cu mikrorayon, Mir Cəlal küçəsində yerləşən binaların birində naməlum şəxs hamilə qadına hücüm edib. Bu haqda bu gün, 13 oktyabr tarixində Bakuplus.az Qafqazinfo.az-a istinadən xəbər verir.
Ərazidə yaşayan Emilbəy Kəzımzadənin verdiyi məlumata görə, ötən gün saat 15:05 radələrində evinə təxminən 65 yaşlı kişi daxil olaraq hamilə həyat yoldaşına hücum edib. Yoldaşı naməlum şəxsi itələyərək evdən bayıra atıb. Nəticədə kişi yıxılıb və onun başı yerə dəyib.
Lakin ahıl kişi yenidən hücüm edərək qapını qırmağa çalışıb. Həmin vaxt qadın Emilbəyə zəng edərək onu evə çağırıb. Evə yetişən E. Kazımzadə hücüm edən şəxsə zərbə endirib, sonra isə DİN-in “102” xidmətinə zəng edib.
Təhqiqatçı şikayətçinin ifadələrini şübhə ilə qəbul edib. Buna görə Kazımzadə narazılığını bildirib.
DİN-in mətbuat xidmətinin əməkdaşı Nurlan Əliyevin sözlərinə görə, hər iki tərəf polis orqanına dəvət olunaraq izahatları alınıb. Hazırda faktla bağlı araşdırma aparılır.
