Ata 11 aylıq körpəsinə qəsdən xəsarət yetirib. Bu haqda 27 aprel tarixində Bakuplus.az Qafqazinfo-ya istinadən xəbər verir.
Yasamal rayonu, Xaqani Dadaşov küçəsində aprelin 26-sı ata 11 aylıq körpəsini qəsdən yerə çırpıb. Uşaq ağır kəllə beyin travması ilə Respublika Neyrocərrahiyyə Xəstəxanasına yerləşdirilib. Uşağın baş nahiyəsi ciddi şəkildə zədələnib. Hal-hazırda körpənin vəziyyəti çox ağır olduğu bildirilir.
Hadisəni törədən ata tutularaq istintaqa təhvil verilib.
11:57 - Yenilənib
APA-ya istinadən, 11 aylıq körpəsini evdən həyətə tullayan 30 yaşlı Samir Ağakərimov barəsində Cinayət Məcəlləsinin 126.2.3-cü maddəsi (Qəsdən sağlamlığa ağır zərər vurma - xüsusi amansızlıqla, o cümlədən zərərçəkmiş şəxsə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxsə qarşı törədildikdə) ilə cinayət işi başlanıb.
17:05 - Yenilənib
Bizim.media-ya istinadən, atası tərəfindən həyətə atılan 11aylıq uşaq komaya düşdü.
“Travma aldığı üçün gözləri də çəpləşib. Kəllə sümüyündə 4 yerdə sınıq var. Beyninə qan sızıb. Əməliyyat olunmalıdır, imkanım çatmır. Uşaq komadadır, ayılmır”, - körpənin anası övladının vəziyyəti ilə bağlı danışıb.
