Qanunsuz ov edən şəxs tutulub. Bu haqda bu gün, 2 may tarixində Bakuplus.az xəbər verir.
Xəzər dənizinin Bakı şəhəri akvatoriyasında qanunsuz balıq ovlanıb. Dövlət Ekoloji Təhlükəsizlik Xidmətinin araşdırması zamanı brakonyerin yerli sakin Rahib Ağayev olduğu müəyyənləşib.
Ondan istifadəsi qadağan olunmuş ov alətləri və qanunsuz ovlanmış balıq götürülüb. Faktla bağlı protokol tərtib edilib və qanunamüvafiq tədbir görülüb.
Nəzərə çatdıraq ki, balıqların kürütökmə dövrü ilə əlaqədar mayın 1-dən Azərbaycanda bütün su hövzələrində balıq ovuna moratorium qüvvəyə minib.
