Bakının Nərimanov rayonunda, Heydər Əliyev prospektində betonqarışdıran maşın aşıb. Bu haqda bu gün, 7 noyabr tarixində APA məlumat verib.
Bu gün gecə saatlarında metronun “Koroğlu” stansiyasından şəhər mərkəzinə doğru hərəkət edən “MAN” markalı betonqarışdıran maşın yol ayırıcısına çarpılıb. Avtomobili idarə edən sürücü sükana nəzərəti itirib, nəticədə avtomobil aşıb, yük yerində olan beton yola dağılıb.
Hadisə yerinə polis əməkdaşları cəlb olunublar, prospektin mərkəz istiqamətində olan hissəsində hərəkət dayandırılıb. Maşını yoldan götürmək üçün hadisə yerinə qaldırıcı kran gətirilib.
Yola dağılan beton Mənzil-Kommunal Təssərüfat Birliyinin əməkdaşları tərəfindən təmizlənib.
[caption id="attachment_77984" align="alignnone" width="640"]
Foto Apa.az saytı[/caption]
