Qaradağ rayonunda marketə içkili girən şəxs satışdakı bıçağı götürərək işçiləri təhdid edib. Bu haqda 2 iyun tarixində Bakuplus.az Qafqazinfo-ya istinadən xəbər verir.
Lökbatan qəsəbəsində yerləşən “Bravo” supermarketinə gecə saat 01:00 radələrində gələn 32 yaşlı Fərid Əmrahov satışda olan bıçağı götürərək mühafizəçini və satıcıları hədələməyə başlayıb. Dərhal bununla bağlı polisə müraciət edilib və hadisə yerinə cəlb olunan əməkdaşlar həmin şəxsi saxlayıb.
Əmrahov barəsində İnzibati Xətalar Məcəlləsinin “Polis işçisinin qanuni tələbinə qəsdən tabe olmama” maddəsi ilə protokol tərtib edilərək məhkəməyə göndərilib. Məhkəmənin qərarına əsasən, təqsirləndirilən şəxsə 150 manat pul cəriməsi tətbiq edilib və o, məhkəmə zalından azadlığa buraxılıb.
““Bravo” supermarketə pivə almaq üçün gəldim. Marketdə işləyən mühafizəçi mənim spirtli içki qəbul etdiyimi görüb içəri buraxmaqdan imtina etdi. Buna etiraz edərək, satış üçün nəzərdə tutulmuş bıçaqla əlimi kəsdim. Sərxoş olduğum üçün digər hərəkətlərim yadımda qalmayıb”, - deyə F.Əmrahov törətdiyi əməli məhkəmədə etiraf edib və peşman olduğunu bildirib.
