Qaradağ rayonunda fəhlə işlədiyi yerdə ölüb. Bu haqda BakuPlus.az Report-a istinadən bu gün, 17 noyabr tarixində xəbər verir.
Noyabrın 16-sı saat 15:00 radələrində Baş Ələt qəsəbəsi ərazisində yerləşən Dartı Yarımstansiyasının qarşısında quraşdırılmış müvəqqəti işçi düşərgəsində fəhlə işləyən 46 yaşlı Tahir Məmmədov bədbəxt hadisə nəticəsində ölüb.
Tahir Məmmədov düşərgənin mətbəx otağına su xətti çəkən zaman elektrik cərəyanı vurması nəticəsində dünyasını dəyişib.
Faktla bağlı Qaradağ rayon prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanıb.
Hazırda istintaq davam edir.
