Paytaxt ərazisində şübhəli bilinən əcnəbi saxlanılıb. Bu haqda bu gün, 2 may tarixində Bakuplus.az Daxili İşlər Nazirliyinə (DİN) istinadən xəbər verir.
Polis əməkdaşlarının keçirdikləri tədbir nəticəsində dələduzluqda şübhəli bilinən Hindistan vətəndaşı, 51 yaşlı Mişra Praşant saxlanılıb.
Araşdırma zamanı məlum olub ki, o, ölkəyə gələn 5 nəfər Şri-Lanka vətəndaşına özəl ali təhsil müəssisələrindən birinə qəbul olunmalarına köməklik edəcəyini vəd edərək onlardan pul alıb. Əcnəblilər paytaxta gələndən sonra o, onların sənədlərini ələ keçirərək hədə-qorxu ilə onlardan yenidən pul tələb edib.
Hazırda araşdırmalar davam edir. Onun qanunsuz hərəkətlərindən zərər çəkən başqa şəxslər varsa, bu barədə polis orqanlarına məlumat verə bilərlər.
