Bakıda seyf oğurlayan dəstə saxlanılıb. Bu haqda bu gün, 13 iyun tarixində Bakuplus.az Daxili İşlər Nazirliyinə istinadən xəbər verir.
Keçirilən əməliyyat zamanı 38 yaşlı Şəbnəm Hüseynova, 28 yaşlı Zemfira Sultanova, onların əmisi oğlu, əvvəllər məhkum olunmuş 33 yaşlı Qurban Sultanov və 28 yaşlı Əli Qurbanov saxlanılıblar.
Dindirmə zamanı məlum olub ki, hadisədən əvvəl Ş.Hüseynova müxtəlif vasitələrlə mənzilin açarlarını əldə edib. Daha sonra gecə saatlarında evə girərək dəmir seyfi oğurlayıb və əmisi oğlu Q.Sultanova təhvil verib. O isə öz növbəsində seyfi Şəmkir rayonuna apararaq içərisində olan 340.000 AZN-i ələ keçirib. Bir neçə gün sonra Q.Sultanov pulun 194.000 AZN hissəsini Ə.Qurbanov vasitəsilə əmisi qızlarına göndərib.
Hadisədən sonra Q.Sultanov ona çatan pulla 4, Ş.Hüseynova isə Ə.Qurbanovun köməkliyi ilə 2 avtomobil alıb. Dəstənin digər üzvü Z.Sultanova isə oğurlanan pulun bir hissəsi ilə estetik əməliyyat etdirib.
Faktla bağlı cinayət işi açılıb. Araşdırmalar davam edir.
