Bakıda güclü külək nəticəsində bir sıra fəsadlar meydana çıxıb. Bu haqda bu gün, 7 may tarixində Fövqəladə Hallar Nazirliyinin (FHN) mətbuat xidməti məlumat yayıb.
Nazirliyin Xüsusi Fövqəladə Xilasetmə Xidməti hadisə yerinə cəlb olunaraq Bakı şəhəri, Xətai rayonunda doqquzmərtəbəli yaşayış binasının damından dəmir parçasını çıxarıb.
Həmçinin Sabunçu rayonu ərazisində birmərtəbəli fərdi yaşayış evinin dam örtüyü yerindən qoparaq asılı vəziyyətdə qalıb. Hadisə yerinə xilasedicilər cəlb olunub. Onlar dam örtüyünü ərazidən götürərək təhlükəni aradan qaldırıblar.
