Yenilənib: 11:37
Hədə-qorxu məqsədilə silah-sursatı gətirən şəxs polis əməkdaşları tərəfindən saxlanılıb. Daxili İşlər Nazirliyinin (DİN) mətbuat xidmətindən verilən məlumata görə, hədə-qorxu ilə tələb etmədə şübhəli bilinən şəxs Abşeron rayon sakini, əvvəllər məhkum olunmuş 19 yaşlı Elgün Ocaqverdiyevdir. Ondan “F-1” markalı əl qumbarası aşkar olunaraq götürülüb.
[caption id="attachment_79576" align="alignnone" width="640"]
Foto Xəzər Xəbərin rəsmi Youtube kanalı[/caption]
Bakıda kişiyə hədiyyə adı ilə qərənfillə qumbara göndərilib 11:30
Bakının Nəsimi rayonunda “karqo şirkəti” hədiyyə adı ilə kişiyə qumbara və qərənfil gətirib. Bu haqda bu gün, 18 noyabr tarixində Bakuplus.az Xəzər Xəbər-ə istinadən məlumat verir.
Hadisə Alı Mustafayev küçəsi, 1 ünvanında paytaxt sakini Ceyhun Cəfərzadənin mənzilində qeydə alınıb. Mənzil sakini hadisə yerinə polis əməkdaşlarını və FHN-in Xüsusi Riskli Xilasetmə Xidmətinin əməkdaşlarını cəlb edib. Qumbara mənzilin qarşısından götürülüb, faktla bağlı araşdırma başlanılıb.
Zərərçəkmişin sözlərinə görə, qumbaranı mənzilinə keçmiş qayınatası Tiflisxan Bayramov göndərib. Onun sözlərinə görə, keçmiş həyat yoldaşının atası boşandıqdan sonra qızının cehizinin pulunu geri qaytarmasını tələb edib.
Tfilisxan Bayramov ona qarşı irəli sürülən ittihamların əsassız olduğunu deyib. O, həmçinin bildirib ki, bu işlə bağlı polis ona zəng edib və izahat alıb.
Faktla bağlı Daxili İşlər Nazirliyi araşdırma aparıldığını və işə hüquqi qiymət veriləcəyini bildirib.
