Bakı Metropoliteninin “Nəriman Nərimanov” stansiyasında insident baş verib. Bu haqda BakuPlus.az Qafqazinfo-ya istinadən bu gün, 4 noyabr tarixində xəbər verir.
Noyabrın 2-si, saat 8 radələrində qatarda sıxlıq olarkən gənc oğlan 22 yaşlı Ş.Fətullayevaya (şərti soyadlı) qarşı əxlaqsız hərəkətlər edib.
Gənc qızla həmin şəxs arasında yaranan mübahisə nəticəsində o, qızı yumruqla vuraraq oradan uzaqlaşıb.
Hadisədən sonra Ş.Fətullayeva qatarı tərk edərək metroda xidmət aparan polis əməkdaşlarına müraciət edib.
Ş.Fətullayeva bildirib ki, ona qarşı nalayiq hərəkətlər edən şəxs təxminən 24-25 yaşlarında olub:
“Ona irad bildirəndə, məni yumruqla vurmağa başladı, dərhal polisə müraciət etdim, gedib şikayət ərizəsi yazdım. Həmçinin tibbi ekspertizadan keçdim. Hələlik həmin şəxs tutulmayıb”.
Faktla bağlı əməliyyat-axtarış tədbirləri həyata keçirilir.
