Bakıda narkotikin təsiri altında avtomobil idarə edən şəxs saxlanılıb. Bu haqda bu gün, 27 mart tarixində Bakuplus.az Daxili İşlər Nazirliyinə istinadən xəbər verir.
Zirəddin Məhərrəmov 77-EC-134 nömrəli “Toyota” markalı maşınla manevr etmə qaydasını pozub, daha sonra polis əməkdaşlarının “saxla” əmrinə məhəl qoymayıb.
Kobud qayda pozan sürücü tutulub. Araşdırma zamanı onun narkotikin təsiri altında olduğu məlum olub. Məhkəmənin qərarı ilə Z.Məhərrəmovun sürücülük hüququ 2 il müddətinə məhdudlaşdırılıb və o, 15 sutka inzibati qaydada həbs edilib.
