Nizami rayonu, Heydər Əliyev prospektində manevr qaydalarını pozan sürücü saxlanılıb. Bu haqda BakuPlus.az Avtosfer.az-a istinadən bu gün, 30 sentyabr tarixində xəbər verir.
99-CE-664 dövlət nömrə nişanlı, “Ford” markalı avtomobilin sürücüsü Rəsul Abdullayev narkotik maddə olan marixuananın təsiri altında avtomobil idarə edib.
Sürücü barəsində toplanmış materiallar Nizami rayon Məhkəməsinə təqdim olunub.
Məhkəmə Abdullayev Rəsul Əliflam oğlunun 22.06.2022-ci il tarixində eyni əmələ görə saxlandığını, yenidən qayda pozduğunu əsas gətirərək onu 2 il müddətində sürücülük hüququndan məhrum etməklə 450 manat məbləğində cərimələyib.
Daha bir sürücü Mansumov Dolunay Savaş oğlu saxlanılan zaman narkotik vasitənin təsiri altında olduğu aşkarlanıb.
O, 90-DZ-087 dövlət nömrə nişanlı, "BMW" markalı avtomobil ilə Heydər Əliyev prospektində manevr qaydalarını pozarkən saxlanılıb. Onun barəsində toplanmış materiallar aidiyyəti üzrə məhkəməyə göndərilib.
